Brisbane, Gold Coast, Byron und und und

18Feb2014

Brisbane

Also vo Maroochydore simmer wie akündet witer nach Brisbane greist und das via Bus und Zug. Het alles super klappet und in Brisbane hämmer au ines ganz schöns Hostel chöne zieh. Brisbane sälber isch eher chli en ruhigeri Stadt aber wunderschön. Mir send de Botanic Garden go erkunde, am Fluss entlang gloffe, händ en Lagoone entdeckt und vieles me. Da ich vom Campe jo schochli erfahrig gha han mit chöcherle isch das denn au keis Problem gsi und dEli und ich händ zum Znacht ami die feinste Gricht anezauberet Zwinkernd

Gold Coast

Nach Brisbane isch Surfers Paradise ade Gold Coast ufem Plan gstande und dReis isch witer mitem Greyhound Bus gange. Greyhound Büs fahret ade ganze Ostküste ufe und abe und mer muss ami eifach 1-2 Täg vorher en Platz reserviere, also es rächts eifachs System:). Surfers Paradise isch an sich ned seeehr speziell gsi. Het ganz viel Hochhüser gha und en schöne Strand und unmenge vo Nachtclubs. Somit hämmer denn viel gsönnelet, sNachtläbe chli usteschtet und ein Tag simmer no inen Funpark gange, mit ganz vielne BahneLachend. Swichtigste woni no glehrt han isch: Au wenns bewölkt isch, immer Sunnecreme bruche;) hahhaha. Han uf jede Fall för ein Obig de Spitzname "Tomato" gha vo oisne Zimmerkamerade im Hostel..hahahCool.

Byron Bay

Nach Surfers ischs scho zude Eli und mim Favoriteort gange. BYRON BAY :D. Byron isch es ganz herzigs chliners Städtli miteme wunderschöne Strand und eme no schönere LüchtturmLachend. sHostel hetti au ned besser chöne si und sisch sogar en drüerschlag und kein sächser oder achterschlag gsi;). In Byron Bay hämmer usgiebig de Strand gnosse und sind natürlich ufen Berg zum Lüchturm ufe gstiege. Het zwar viel Chraft chostet und mir sind vollkomme verschwitzt gsi womer dobe acho sind, obwohl mer zwüschedure no Kafipause igleit händ;)hahah, aber het sich uf jede Fall glohnt. Ufem Programm isch ebefalls en Kajak Tour gstande und somit simmer einisch scho am Morge am zähni szwoite imne Kajak ghocket mit Helm und Schwümmweste und sind is wiite Meer usepadlet. Die Tour het riesig vell Spass gmacht und mir händ ganz viel Delphin gse wo teilwis ganz nöch a Kajak anecho send was extrem beidruckend gsi eschLächelnd. DEli und ich händs padle au ned allzu schlächt im Griff gha, aber ben uf jede Fall froh gsi hämmer beidi en Helm agha, und so het au kein "Padel an Chopf" Unfall chöne passiere;) hahha. Die nächschti Tour vo Byron us het eus denn miteme farbige Hippie-Büsli nach Nimbin gfüehrt. Nimbin isch sones chlises Kiffer-Dörfli wo ungefähr en Stund vo Byron entfernt isch und bestoht grundsätzli us einere Stross wosder i jedem Lade ergendwelchi Spacecookies wänd atrölle:D. Tönt jetz zwar ned allzu speziell aber isch en luschtige Usflug gsi:D.

Sydney City

Nach unvergässlich schöne Täg in Byron ischs den auscho mitem 12-Stündige Nachtbus witer nach Sydney i dStadt gange. Det hämmer sOpera House besichtiget, de Botanic Garden, händ vode Opera Bar us dHarbour Bridge bestunt und uf de Carmen ere Tipp superfeini Potatoes mit Sauce gmampft, sind chli go shöpperle usw.:D Nach zwoi Täg isches vode City diräkt witer an Bondi Beach gange, und ich muss säge es isch wienes heicho gsi, womer do acho sind^^!! Mir händ de oisi letschte gmeinsame Täg im Noahs Backpackers diräkt mit Sicht uf de Bondi Beach verbrocht und sändi vode Eli erem Ufenthalt ganz gmüetli usklinge lo:). Am 12. Februar hani den dEli uf de Flughafe brocht und uf de Fahrt zrug an Bondi send de au es paar Tränli gflosse=).

Ich gnüsse im Momänt mini Zit do am Bondi Beach und han scho die witer Reis plant. Mis Zimmer hani för die erschte Täg mit foif Männer mösse teile, was zersch echli gwöhnetsbedürftig gsi isch, aber grundsätzli eigetli gar keis Problem:Dhaha. Unterdesse sind jetz zwoi Schwedinne iecho nachdem zwoi ängländer witergreist send. Janine mini Nochberin vode Schwiz isch jo au immer no do am Bondi und so machi no viel mit ihre und han auscho ihri Schuelkolleginne känneglehrtLachend. Mini ganzi witer Reis in Australie hani scho im Reisebüro buechet und got am 27. Februar los. Heisst am 27. flügi vo Sydney nach Alice Springs und vo det goni uf en Tour durs Outback bis nach Adelaide. Vo Adelaide goni zwoi Täg uf Kangoroo Island woni ganz viel freiläbendi Tier wie Pinguine und Robbe und so witer chan gse. Nach Kangoroo Island gots wieder zrug nach Adelaide und vo det machi Great Ocean Road nach Melbourne. In Melbourne hani den vier Täg Zit zum chli entspanne bisi de nächschti Flug nach Perth nimme und vo dete dWesküste bis nach Broome bereise. Das send alles gfüehrti Toure und bin scho super gspannt. Jetz im Momänt isch aber au schön eifach nochli am Bondi Beach zsii und Zit do nochli gnüsseLächelnd. Ändi März gots de jo auscho witer nach Auckland und för det hani im gliche Reisbüro diräkt no en sächstägigi Tour buechet, somit bini in Auckland au scho underbrocht;).

Vermiss oich alli ganz fescht und 5 Mönet sind jetz auscho dore ischmer letschti ufgfalle^^hihii, also scho fasch Halbzit=).

Liebiii Grüessliiii Ninaaa

Und weiter gehts =D

25Jan2014

Appartment in Manly Neujahr und Wiehnachte

Und ändli ghöreder wieder mol öbis vo mir ;).

Wie erwähnt hani die zwoi letschte Woche vor Neujohr imne Appartment mit de Carmen em Jonas und em Matthias verbrocht. Oises Appartment isch in Manly (mitem Bus und Zug ca. 1.5 Stund vom Bondi Beach entfernt) ufeme Hügel obe gsi und mer het mitem Bus rächt lang gha bismer öberhaupt in Manly am Strand unde isch und de isch so ca. am 16:oo Uhr wieder de letschti Bus heigfahre. Dorom hämmer die zwoi Woche hauptsächlich i oisem Appartment gnosse, viel am Pool gsönnelet und immer fein Znacht chochet und zobig chli DVD gluegt. Natürli hämmer aber de Bondi und Bronte Beach scho gli wieder vermisst und dorom bini froh gsi womer vomene brasilianische Schuelkolleg vode Carmen zumene Barbecue i sinere WG iglade worde sind :D. Somit hämmer den das Reisli an Bondi Beach gern uf ois gno und händ ois vorher no mit Fleisch und Gmües zum grilliere ideckt. Nach churzem sueche hämmer die brasilianischi WG den auscho gli gfonde und scho bevor mer oises Ässe öberhaupt händ chöne uspacke hani scho es Stückli Fleisch (sbeschte woni do in Australie bis jetzt gässe han:D) ide Hand gha^^. Oises Ässe isch den grundsätzli eher öberflössig gsi und mir sind össerscht grosszügig uf alles iglade worde und de ganzi Nommitag isch en riese Spass gsi =D!

Scho gli isch den au scho de 24. Dezember gsi und well Carmen und ich oises Appartment so schön gschmückt händ simmer natürlich au richtig in Wiehnachtsstimmig gsi, obwohls wahrschindli eher schwierig vorstellbar isch bi 30 Grad..haha:D. Zum Wiehnachte au richtig fiire isch es Barbecue am Shelly Beach in Manly ufem Plan gstande. Schlussändli simmer denn 11 Lüt gsi (usnahmswis ned nume Schwizer, sondern au 2 Schwede und 1 Dütsche^^) und händ de ganzi Obig am Beach verbrocht mit feinem Ässe und viel fäschte J. Es chlises Mini-Tannebäumli us Plastik isch natürli au vorhande gsi =Dhaha.

Nach Wiehnachte ischs den ned lang gange und Neujohr isch vor der Tör gstande. Da min Flug för am 1. Januar 2014 am 6:00 Uhr am Morge vo Sydney nach Cairns buecht gsi esch, hani no es chliners Problem gha, woni mis Gepäck söll lagere. Shet sich den aber au schnell en Lösig gfunde und ich hans chöne bim Jonas sinere Gastfamilie in Garte stelle. Am 31. Simmer den zersch mitem Bus uf Dover Heights zumene Park gfahre und händ det witeri Schuelkollege troffe. Vo det us hedmer en gueti Sicht ufs unglaubliche Führwerk wos uf de Harbour Bridge ablönd. Falls mer sFührwerk aber vo nöchem möchti bestune, mössti mer scho am Morge ad Darling Harbour go und det den bis Zobig warte, wills ami scho um de Mittag schlüsset wells sooo viel Lüt het und das hämmer ois natürli ned welle atue;). Carmen de Jonas und ich händ aber den rächt früeh gnue gha vode Dover Heights und sind nachem erschte chlinere Führwerk mitem Taxi abe an Bondi Beach womer scho meh Fäschtstimmig gherscht het. Am 00:00 Uhr hets de au am Bondi Beach no es chliners Führwerk ge und mir händ schön chöne am Strand astosse :D. Nachdem simmer nochli zu oisne brasilianische Kollege und vo det her bini den direkt um die 04:00 Uhr mis Gepäck go hole und ab an Flughafe. Det hani mis Neujohrsoutfit dur langi Hose und en Puli ersetzt und mich i dSchlange zum ichecke gstellt. Min Koffer het leider statt die erlaubte 20 Kg, 22 Kg gwoge, was gheisse het, äntweder 40 Dollar zahle oder is Handgepäck umbiege und nomol vo hinde astoh. Han mich den nach churzem öberlegge (bin wörkli extrem erschöpft gsi ) för die zwoit Variante entschiede. De ca. 3 stündig Flug isch den au rächt schnell verbi gange för mich und han au gar ned vell defo mitbecho, well ich hauptsächlich mit offenem Mul schlofend a mim chinesiche Sitznochber aglähnt bin..hahha:D.

 

Cairns

In Cairns het mi den als erschts en Riese Hitz empfange. Schnell hani min Koffer packt und bin witer uf de Bus womi zu mim Hostel (Gilligans) gfahre het. De 1. Hani den hauptsächlich schlofend i mim achterschlag verbrocht und han zwüschedure chli mit mine änglische Zimmerkompane gschwätzt. Am 2. Isch den auscho de Jonas vo Sydney nach Cairns cho und somit bini au nüme elei gsi^^. De Jonas und ich händ den am 3. en spannendi Tour zäme underno, womer de Daintree Rainforest durchforscht händ, mitem Crododile Cruiser ufem Daintree River umedüst sind und nach Krokodil usschau ghalte händ und en Zoo sind go bsueche woni den au ändli han döfe en Koala hebe und ich muss säge sie send so kuschelig wie erwartet. Nachem Koala hebe het de Jonas den plötzlich gfunde dass Koalas nach Urin stinked was ich völlig ned so empfunde han. Womer den aber plötzlich en nasse Fläck uf sim Tischi entdeckt händ hani natürli chöne nohvollzieh wieso dasser gfunde het dass Koalas nach Urin stinked..HAHA;D.

Au Carmen isch den in Cairns glandet und mini Reisekolleginne Caroline, Petra und dNadine hani ebefalls chöne in Empfang ne. Carmen und ich händ oisi letschti gmeinsami Zit in Cairns no gnosse und händ ois de am 5. unter Träne verabschiedet^^. 


 

Mission Beach

För Caroline, dNadine, Petra und mich het den sgrosse Reiseabentür am 6. Januar gstartet und mir sind oise Camper go abhole. Alles het ribigslos klappet und mir sind richtig Mission Beach abdüset. In Mission Beach hämmer en herzige Camping Platz gfunde und ois probiert chli izrechte und vorem schlofe händ denn ergendwie ned alli oisi Rucksäck im Camper platz gha. Ich han denn gfonde dasses jo keis grosses Problem isch wenn ich mine über dNacht dosse lohne, was sich als grosse Fehler usegstellt het. Am Morge am vieri hets vode einte zude andere Sekonde grägnet wie en Ströme und ich ben natürli grad hellwach gsi:D. Heldehaft hani usem Camper welle gumpe zum min Rucksack rette, aber leider isch mini Töre verschlosse gsi und ich han Chindersicherig ned usebrocht..hahah:D Schlussändli hani mi denn uf de Vordersitz kämpft und nacheme luute Huuper hanis den au ändli is Freie gschafft und min Rucksack chöne in Sicherheit bringe;).

Ben denn nach minere nächtliche Action schnell wieder igschlofe und am halbi Sebni het de au schowieder de Wecker glütet und mir händ ois för de Skydive parat gmacht. Miteme chline Schrottige Flugi und alli mit ihrem Guide ade Site simmer i dHöhi gfloge und ehi mi verseh han simmer scho usem Flugi usegumpet, also hedmer gar kei Zit zum Angst ha gha:D. Skydive isch wörkli eis vode beschte Erläbnis woni je gha han und de frei Fall isch eifach unglaublich gsi=D. Slande het den au meh oder weniger klappet (han vergässe dass „Legs UP“ Bei "ufehebe" und ned "abehebe" heisst und han gmeint ich mössi au nochli mit mim Guide mitsprenge, aber hansi de früeh gnue wieder ufeghebt;)hahah.

 

Magnetic Island

Vom Mission Beach ischs denn witer nach Townsville gange und vo det her hämmer dFähri nach Magnetic Island gno. In Magnetic Island hämmer es wunderschöns chlises Hostel diräkt am Strad gha mit Pool und allem drum und dra. Mir händ den en schöne Tagesusflug inen chline Zoo am Horseshoe Bay ondernoh. Det hets den en Füehrig ge und mir händ extrem vell über jenschti verschedeni Tier vo Schildkrötli, Papageie bis zu Koalas glehrt. Natürli hämmer au jedes einzelne Tier döfe hebe wasmi bede Schlage vell Überwindig kostet het;)!!!! Schwimme isch momentan ade Küste vo Cairns bis nach Noosa ned möglich, well Qualle Saison isch und vo dene gits ebefalls tödlichi.

 

Airlie Beach und Whitsunday Islands

Vo Magnetic Island isches mit de Fähri de wieder uf Townsville gange und mir händ die langi Strecki uf Airlie Beach in Agriff gno. Nacheme Zitli hämmer den es chlises Päusli welle ilegge und sind bim nächscht beschte Parkplatz mit Toilette usegfahre. Ein andere Camper het det ebefalls no parkiert, wasmi aber noni gross interessiert het, bisi ufsmol öber ghört han „Nina?“ säge und zu oisere Überraschig händ de Michi und de Lorenz zu dem Camper ghört :Dhahaha. (Michi isch vode Schuel und de Lorenz, sin Kolleg, hämmer scho a Wiehnachte in Manly känneglehrt). Well sie zwoi au grad ufem Wäg an Airlie Beach gsi send hämmer direkt bim gliche Campingplatz icheckt und somit ebefalls no mitem Jonas, wo au grad det gsi esch, en superschöne Obig zäme verbrocht:D. Airlie Beach isch es chlises herzigs Dörfli wo us einere Stross bestoht und grundsätzli sind det alles Backpacker wo witer uf dWhitsunday Islands wänd. Am nächschte Tag simmer de no ad dLagune go bädele und händ chli dLäde durchforscht und zobig es feins Barbecue verastaltet. Am nächschte Morge hani denn en chline Rucksack mit Bikini, Badtuech usw. müsse packe, wells ufen drütagestour ufes Segelschiff gange isch. Zu minere Überraschig beni extrem Seechrank worde und ben de froh gsi hani uf de Tipp vode andere glost und no Tabletti kauft. Somit hets denn alli 4 Stond es Seasick Tablettli ge und ich han hofft dassi ned Seechrank wirde. Mir händ de chöne go schnorchle bi Koralleriff und die wo händ welle händ ebefalls chöne go tauche. De wältberüehmti Whitehaven Beach simmer ebefalls go besichtige, was extrem beidruckend gsi esch, well de Sand wörkli puderwiis gsi esch. Dummerwis heder sich de au öberall am Körper akläbt und mer ischen fascht nöme los worde;)haha. Uf jede Fall bini nach dene drü Täg froh gsi womer wieder in Airlie Beach acho send und woni weder feschte Bode under de Füess gha han, aber es isch sicher Abentür es Abentür wert gsi^^.

Vo Airlie Beach ischs snächschte Ziel den de Rainbowbeach gsi und well da en extrem langi Strecki esch hämmer en Clearview und in Bundaberg en Übernachtig igleit. Zwöschedore mussi mol erwähne dassmer sozäge die ganzi Strecki de Ostküste entlang ufem Bruce Highway fahrt und det wimmlets nur so vo tote Kängurus wo mängisch au nurno Skelett vorhande sind am Bode. Mir händ zum Glück no keis verwötscht. Falls mer aber eis afahrt mussmer no go nohluege öb evt. es Babykänguru im Sack vor inne isch und falls das überläbt het mussmers mitne und i de nächschti Tierlispital bringe.

De Campingplatz in Clearview ischmer also ned so gföhrchig gsi, und spötistens woni die in Essig igleiti Schlange ufem Chüehlschrank entdeckt han ischmer au de Appetit chli vergange;)hahah. Am nächschte Tag simmer de bis nach Bundaberg cho, leider aber schochli zspot und dorom hämmer nöme chöne bimene Camping ichecke. Mir händ oise Camper den so ganz Backpacker mässig ufeme gratis Parkplatz chöne abstelle wo sogar es WC vorhande gsi esch, da isch aber leider scho gschlosse gsi;), aber au die Nacht hämmer guet gmeischteret und händ ois am nächschte Tag omso meh uf Duschi gfroit:D.

 

Rainbowbeach und Fraser Island

Am Rainbowbeach hämmer den en super Campingplatz gha und nach zwoi Übernachtige ischs witer uf die gröschti Sandinsle vo de Wält, Fraser Island, gange. Mir sind den in achtergruppe ufteilt worde und mir händ en Engländer, eine vo Irrland und zwoi Dütschi i oisere Gruppe gha. Mit 4-Rad Atrieb Autos (oder wie die au immer heisset) ischs de mit de Fähri ab uf dInsle gange und mir sind denn ami vo eim Egge zum andere grüehrt worde wells dur de Sand so gholperet het. Zum Glück binich zhinderst ghocket und han somit nie müsse bim usbudle oder astosse hälfe, wemmer wieder mol im Sand stecke blebe send:Dhahah. Übernachtet hämmer denn i chline Zält und chochet hämmer ebefalls i oisne Gröppli. Die drü Tag dore simmer denn immer chli uf de Insle umegfahre und zwüschedure i Bäch go bädele. Am letschte Tag hets den no en chlini Wanderig ge und Schlussändli beni vo obe bis unde voll Sand gsi:D, isch uf jede Fall eini vode schönschte Duschene gsi woni je gha han womer wieder retour gsi send;)!

 

Elena :D

Nach Fraser Island hämmer no en Tag in Noosa verbrocht und de ischs scho witer nach Maroochydore gange. De Grund wieso mer in Maroochydore ghalte händ isch dElena mini KV Kollegin =D. Ich han mi jetz leider müsse vode Caroline, Nadine und Petra verabschiede, welli  mit de Eli de Rescht vode Ostküste bereise und mir sind mitem Greyhound Bus underwägs und nöme miteme Camper. Han riesig Froid gha womer ois ändli händ chöne i dArme schlüsse und geschter hani au grad no all ihri Schuelkollege bimene Barbecue und aschlüssendem Usgang känne glehrt, well sie au drü Mönet do Schuel gmacht het. Sind alles super Lüt und ich han mi grad wohl gfühlt=D! Oise Plan gseht jetz so us, dasmer vo Maroochydore witer nach Brisbane fahret, denn ad Gold Coast, vo det nach Byron Bay und en Tag go Nimbin aluege und denn witer nach Sydney i dStadt und schlussändli no es paar Täg am Bondi Beach, wonich dEli  nochli chan umefüehreJ.

Im Moment teilemer ois grad es Hostelzimmer mit zwoi Schwedinne in Mooloolaba, isch grad es Dorf witer vo Maroochydore. Sisch immer interessant, wemmer wieder neui Lüt kännelehrt und mer sich chan verzelle wasmer do in Australie scho alles erläbt het und wies witer got usw.:). Mim änglisch duet das natürli au guet und smacht mer au Froid, sFirst hani denn au bestande und somit isch dSchuel au ned umsuscht gsi;)hahah.

Muss säge dasses währendem reise eher Schwierig isch Blog zschriebe, wellmer eifach immer ergenwo underwägs isch^^, aber ich geb mis beschte:D.

 

Ganz liebii Grüesssli und bis baaaald =D <3<3<3

Some pictures ;)

08Dez2013

Carmen und ich in action währendem choche ufem Roadtrip. Sbevorzugte zmorge isch Rührei für Dame gsi und Späck für dMänner :D hahah... und nach ca. drü Mönet Australie mussi säge, mir sind langsam richtig professionell im BBQ veraschtalteLachend!!!

Do gsämer zersch Blue Mountains und zum zu dene cho hämmer a ganz schöne Wasserfäll mösse verbi "wandere" ;)... Ich em Featherdale Wildlife Park miteme Koala. Streichelerläbnis isch zwar zimli churz gsi, aber deför umso intensiver:Dhahha, sind superflauschig die KoalasLachend! Und zum Schluss no en Sonneuntergang bim Bondi Beach.

Am Samschtig nach de Prüefige hämmers ois natürli zerscht mol öbis Trinke gönnt Cool

Gaaaaaanz viel Carmi und NiniiLachend

Allana und ich nach de Graduation vode Schuel =D

Do hämmer zum erste dNadine, Carmi und de Matthias. DNadine ghört au zum Reiströpli und Carmen und de Matthias zum Manly Appartment Tröpli:). Zum zwoite hämmer de Schibli und ich in Wiehnachtsstimmig :D. Zum dritte Carmen de Jonas et Moi und zletscht chömed no de Dani und de Schibli dezueLachend.

Stereosonic:D:D:D

Und zum Schluss möchti no erwähne, dass ich jetz ebefalls zude Sushi-Liebhaber ghöreLachendhahha

 

Wie die Zeit vergeht

08Dez2013

Halli Hallöchen =)

Und scho stoht die letschti Woche bide Hirma und em Donald a und ich muss säge Zit do vergot eifach viiiel viel zschnell!!!

Die letschte Woche bini immer schön i dSchuel und mir händ ois för dExams vorbereitet woni Geschter han mösse go schriebe. Sisch eigetli alles super glofe und bin rächt zfriede, dResultat öbi sFirst jetz au bestande han, erfahri de am 27. Januar... Am Schluss isch den die gross Verabschiedig agstande und nachdem mini japanischi Kollegin Taeko in Träne usbroche isch wosi mer tschüss gseit het hani de au grad mitgmacht und no es paar Tränli vergosse^^....am Fritig hämmer au no Graduation vode Schuel gha und sones schöns Certificate becho vo oisere Lehrerin de Kate. Vellecht chönder oich no dra erennere, dassi am Afang mol gschriebe han dass sie ned die nättischt isch. Uf jede Fall hani sie gäg de Schloss sogar scho rechtig gern becho...und sie mich glaub au...wie chönt sie au anderschLachendhahaha..

So und jetz mol zu mine Plän wasi jetz vor han: Wie gseit bliebi no ein Woche bide Hirma und em Donald und gnüsse de Start vo mim Schuelfreie Läbe :D! Das wird so usgse, dassi am Morge immer schön an Bronte Beach chan go Bädele und ufs zmittag goni de ami Carmen und co. ide Schuel go bsueche, well die wo de Advanced Kurs mached händ en Woche länger Schuel. Nach dere Woche ziehni mit de Carmen, em Jonas (Carmen und de Jonas händ sich über beidi Ohre inenand verliebtLachend) und em Matthias ines Appartment in Manly bis ändi Dezember. --> www.airbnb.ch/rooms/65640 das wer de Link zu oisere Wohnig, gseht richtig gmüetli us mit Pool uns alles wasmer brucht =D!! Froi mi richtig uf die Zit und Carmen und ich send scho fliessig am Plän schmiede für oisi Wiehnachtsdeko und Gschänkli und soo wiiter :D. Neujohr isch no zimli offe, aber mir werded sicher öbis guets finde zum mache;). Afangs Januar flügi den nach Cairns und det treffi mi mit de Nadine, Petra und de Caroline. Sind vier Kolleginne vode Schuel und zäme reisemer den en Monet de East Coast entlang. Det sind jenschti Aktivitäte debi vo Skydive bis zu schnorchle usw. Da mitem Skydive isch au no so en witzigi Gschicht gsi. Grundsätzli hanich das gar ned unbedingt welle mache, nur die andere drü woni gone go Reise und sReisebüro het den eifach gmeint ich welli das bestimmt au und händs de grad mitbuecht ^^..HAHA aber da wird sicher spassig;D! Jooo und de treffi de no dElena Bosshard well sie jo au in Australie isch zurzit, und de gönd mir zäme nochli go umereisle und wasi de vo mitti Februar bis ändi März mache stoht no ide SterneLachend.

Ansoschte simmer immer sehr aktiv gsi ade Wocheänd. Letscht Wocheänd isch zum Bispel super gsi, händ alli Tickets gha för as Stereosonic, da isch sones riese Music Festival. Aber will es Ticket 250 Dollar kostet hetti, hanich dänkt ich lohne das mol usse...somit hani mer de am Samschtig en gmüetliche Obig diehei gmacht und plötzli chomi vode Carmen en Nachricht öber: Ninii, duu chasch morn au mitcho, mir händ es Bändeli am Bode gfonde:D! Da hani mi natürli riesig drüber gfroit und somit bini den de ganz Sonntig au in Gnuss vo dene Wältberüehmte Djs cho Zwinkernd.

Es anders mol sind Carmen und ich no über dHarbour Bridge gwatschlet und händ paar gueti Touri Bilder gschosse und de simmer au no grad sViertel "The Rocks" go aluege. Da isch eigetli zmitzt ide Stadt, aber viel ruhiger und gmüetlicher. Und amne Sonntig händ de Jonas, de Schibli, Carmen und ich no en riese Usflug zum Featherdale Wildlife Park und zude Blue Mountains gmacht.

Soscht gots mer nach wie vor prima do in Australie und ich gnüsse all die schöne Momänt woni döf erläbe. Han scho soo viel tolli Lüt känneglehrt und mir händ jede Tag eis Fäscht zäme Lachend, dorom machts mi schochli trurig dass dSchuel scho verbi isch...

A euch dänkii natürli au gaaaanz viiel und vermiss euch!!!!

Ganz liebii Grüessli und tuusig Kössli Küssend

Roadtrip :)

18Nov2013

Juhuu ihr LiebeLachend

Höt brichti euch vum wahrschindli beschte Wocheänd woni bis jetz do in Australie verbrocht han:D! Scho länger hämmer de Plan gha zwoi Camper zmiete und den uf en sogenannte Roadtrip zgo. Grundsätzli wäremer mol acht Lüt gsi wo sich denn uf zwoi Camper ufteilt hettet, zwoi sind denn aber no abgsprunge und öber nois isch dezue cho^^, sTeam het denn schlussendli us folgende Personen bestande: Carmen, Jonas, Schibli, Michi, Dani und meine Wenigkeit ;Dhaha...sind uf jede Fall alles super Lüt vode Schuel. Sooo und jetz zum Roadtrip, eigetli isch nüd planet worde, mir händ eifach mol zwoi Camper gmietet und händ gwösst om welli Zit dassmer sie mönd go abhole und dassmer so ungefähr Richtig Jervis Bay (Süde) wänd fahre.

Somit simmer am Donnschtig Nommitag die zwoi Camper go abhole, Carmen und de Schibli händ sich as Stürrad gsetzt und im Navi hämmer Kiama ige. Kiama hämmer spontan usgwählt wells ufem Wäg an Jervis Bay isch und nachem Lonely Planet hets rächt sympathisch tönt ;)! sFahre mitem Linksverkehr het super klappet, aber han bide Carmen au gar kei Sorge gha und mich völlig Wohl gfühlt=D! In Kiama acho hämmer zerscht grad welle en Lade finde zum förs zNacht go iichaufe, damer bim Navi aber kei Läde chan ige hämmer grad no unabsichtlich en schöni Dorfbesichtigung gmacht und es herzigs Plätzli ufeme Hügel mit Ussicht ufs Meer gfonde, womer de natürli grad no es Päusli igleit händ^^...

Nachem iichaufe (het eigetli no guet klappet mit sächs Persone, usser dass Carmen und ich oisi Männliche Teilnehmer immer chli händ mösse zrughebe bide Mängi vom Fleisch wos händ welle poschteZunge raushaha) hämmer no es paar Rundene uf Suechi nacheme Campingplatz treit und den en superschöne gfunde. Camper sind parkiert worde und sBBQ isch vorbereitet worde. Die Camper send wörkli super gsi, het alles debi gha wasmer zum chöcherle brucht und dBettli send au sehr bequem gsi:D! Nachem Znacht hämmer ois den no es paar Gläsli vo oisem neue Lienblingswii namens Gun gönnt (de ganz gueti Tropfe womer för 15 Dollar 4 Liter bechunt, hani glaub auscho brichtet..hahahZwinkernd) und wellmer natürli au no öbis vo Kiama händ welle gse simmer alli zäme am Strand entlang richtig Lüchtturm glofe=D.

Am nächschte Morge hets es feins Rührei ge und dReis witer an Jervis Bay isch in Agriff gno worde. Jervis Bay ischmer vode Fla empfohle worde und mir sind au wörkli ned entüscht worde. Mir sind in Gnuss vomene wunderschöne wiise Strand und türkisem Wasser cho und Kängurus sind im Freie umenandghüpft. De Nommitag hämmer denn det am Stran verbrocht und als chröndende Abschluss hämmer den no en chli grössere Spaziergang dur de Nationalpark gmacht. De Spaziergang het im grosse und ganze wörkli Spass gmacht bis uf en grossi schwarzi Schlange wo sichs am Wägrand gmüetlich gmacht het. Die "schöni" Entdeckig händ aber nur Carmen und ich gmacht well mir szwoite vorus gloffe sind...uf jede Fall bini glaub scho lang nöme so schnell grännt wie det..hahha:D..Oise Camping Platz isch denn au grad in Jervis Bay gsi und well de Ort imene Nationalpark liet simmer so richtig schön ide Natur gsi. Was heisst dassmer zum Bispel us de Toilette usechond und diräkt voredra stönd Kängurus und Opossum und wahrschindli no ganz viel meh Tier womer gar ned all gse händ Lachend. Nachem Znacht (Teigware mit Tomatesauce) hämmers ois wieder i oisne Campingstüehl bequem gmacht und de ganz Obig "Seven to Heaven" gspilt, was vo Zit zu Zit immer löschtiger worde isch ;).. Nacheme Zitli send denn alli im Bettli verschwunde und exakt denn hets vode einte uf die ander Sekunde abegschüttet wie ergend sonen Monsunräge und ich be wörkli froh gsi hets ned iegrägnet :Dhahahha....

Am Samschtig hets den de ganz Tag duregrägned und mir send spontan witer in Süde gfahre. De erschti Zielort isch Ulladulla gsi. Det simmer chli go käfele und en "Alkohol Drive-In" endteckt :Dhahhha...hämmer de natürli au grad mösse usprobiereZwinkerndZunge raus... aber sich noni so fortgschritte dasmer wie bim Mc Donalds eifach sini Bstellig chan durege, mer muss zerscht i sonen art Tunnel iefahre, de usstiege und de bevorzugti Alkohol sueche, go zahle, weder isstiege und witer gots...:Dhahah In Ulladulla hämmer de kein Campingplatz gfunde und dorom simmer witer nach Huskisson. Det simmer de Fündig worde und händ oisi Camper parkiert. Usnahmswis hämmer mol ned sälber Znacht kochet, sondern händ ois en feini take away Pizza gönnt^^...

sZiel am Sonntig isch dHauptstadt Canberra gsi. Über Canberra hani euch leider sehr wenig zverzelle, wells so ungefähr die längwiligschti Hauptstadt isch woni je gse han :Dhahha... Mir sind ca. en Stund umenandglofe und spannendschte womer gse händ isch en See gsi wo künstlich agleit isch, also au nüd schöns...und wemmer anderi Persone uf de Stross gse het ischs scho fasch es Wunder gsi, wells wie usgstorbe gsi esch..^^

Aber die chlini Entüschig het ois natürlich ned vell usgmacht und mir sind witer nach Narrow greist, dassmer höt nöme sooo lang bis nach Sydney gha händ. In Narrow hets zum Znacht no sletschte BBQ ge und mir händ ois sogar mol es Bierli gleischtet, was im Gägesatz zum Gun extrem tür isch :Dhahha... dHeifahrt isch problemlos verlofe und mir händ oisi Camper ohni Reklamatione wieder chöne abge..

Jetz liegi nacheme feine Znacht vode Hirma erschöpft diehei im Bettli und bin wörkli stolz uf das ganze Roadtrip-Team, well alles so erstunlich problemlos verlofe und mirs soo loschtig gha händ Lachend.

Wells in Sydney die ganz Zit doregscheffet het sind bi eus schiinbar am Wocheänd dSchuelzimmer überschwämmt worde...han jetz noni so viel metbecho, aber lohn mich mol überrasche Morn...

Min Reiseplan för nach de Schuel stoht jetz au scho so ungefähr :), aber vo dem brichti oich gern snechscht mol, sosch wird de Blogitrag grad echli zlang^^....

Fötelii ladii wieder einzeln uee, han ebbe sälber ned so viel gmacht aber die andere händ fliessig Kängurus und Strand usw. gfötelet =D...

Bis zum nächschte Mol =D

und vermisss euch <3

Taronga Zoo und vieles mehr

21Okt2013

Jaaaa Halli HallöchenLachend

Scho esch wieder es Ziitli vergange und ich han unterdesse viel erläbt. Hauptsächlich unternähmemer am Wocheänd die grössere "Reisli" und under de Woche gömer ami nor nochli go käfele oder Glace schläcke noch de Schuel oder schlenderet chli dor Shopping Mall. Mussmer emmer Müeh ge dassi ned zvell iichaufe, well es het do wörkli super Läde und för jede Gschmack öbis debiZwinkernd!!

Soo nachem Surfcamp wonich oich jo usführlich brechtet han hämmer de Samstig 12. Oktober em Taronga Zoo verbrocht. De Wäg het ois zerscht mit em Bus i dStadt gfüehrt, denn wiiter mit de Fähre und schlussenli no miteme Seilbähnli ufe zum Zoo. De Zoo hedmer super gfalle. Isch chliner als de Züri Zoo aber deför mit viel meh Liebi gstaltet. Vell Büsch und Grüenzüg, herzigi Wägli und natürlich viel die interessantere TierLachend. De Usflug han ich als "Zoo-Liebhaberin" sehr gnosse und somit hämmer au de ganzi Tag det vertrödlet. Under anderem hämmer auno en Live-Show mit Robbe gse aber zum Fotis mit de Koalabäre mache simmer leider echli spot gsi, wird aber sicher no imene Wildlife Park nochegholt=D!!

Am Sonntig bini mit zwoi Brasilianerinne, enere Japanerin, eme Italiener und einere Schwizerin unterwägs gsi, und usnahmswis isch mol de ganz Tag änglisch gredet worde wells sonen Multikulti Groppe gsi esch und ned nor Schwizer wie soscht amigVerschlossen. Zäme simmer zude Darling Harbour. Da isch sonen Art Hafe mit ganz viel Hochhüser rond ome und türe Restaurants aber uf jede Fall wunderschönLachend!! Nacheme gmüetliche Spaziergang um de Hafe hämmer ois den es feins Znacht gönnt und send au ned allzu spot heigange. De ganz Nommitag sind loschtigi Gspröch entstande und minere japanische Kollegin de Chiaki hani versproche, dassmer einisch no zäme gönd go Karaoke senge, well die en Japan rächt vo dem Fan send=Dhahha...

Under de  Woche ischs de weder witer mit Schuel gange. Eigentlich alles ganz normal, osser dassi ned emmer 100% awesend gsi ben, wellmer am Zischtig und am Donnschtigobig nochli sNachtläbe in Sydney uskostet händZwinkernd. Han jetz au en Club gfonde wo genau nach mim Gschmack isch und voredra hets au grad en Pizzastand, falls mer no honger het nachem fiireLachendhahaha.

Das Wocheänd semmer am Samschtig zerscht em Sea Life ide dStadt gsi, was aber eher en Entüschig gsi esch. Het 38 Dollar Itret kostet, isch rächt chli gsi und dFisch händ mi also au ned vom Hocker grüehrt...aber joo isch ghört halt au zu dene Touristeattraktione womer muss gse haZwinkernd... Deför semmer nach dere Entüschig grad nochli go shöpperle und ich han eis zwoi super Sache gfonde, somit isch dLuune natürli grad wieder grettet gsi;)!! Wellmer im gsamte 13 Lüt gsi send hämmer ade Darling Harbour emene italienische Restaurant reserviert und zobig den alli zäme Pizza gässe. Jede Samschtig isch ade Darling Harbour es super Führwerk wasmer ois de nachem Znacht ned entgo lo händLachend.

Am Sonntig isch am nüni am Morge schowieder Träffpunkt gsi und ich be mit de Carmen, de Nici und em Jonas an Manly Beacht. Soberste Ziel isch (wer hetis andersch erwartet:P) bruun werde gsi. Manly isch eher en chlinere Ort und de Strand ischmer em Gägesatz zum Bondi Beach au relaxter vorcho. Well Chatun jo sowieso grad de Sprochufenthalt in Manly macht isch het sie oises Tröppli no vervollständiget und mir send de ganz Tag bruzelnd ede Sonne glägeLachend. Ahh Chatun hani am letschte Donnschtig auno em Usgang gse, was im erschte Momänt usgse hetti als hettemer ois siteme Johr nöme gse, womer eus per Zuefall entdeckt händ;Phahahha....

Sodelii das wäred schowieder die neuschte Erläbnis. Wasmer nächscht Wocheänd mached weissi eigetli gar noni so gnau, well die Woche hämmer ede Schuel grad die sogenante Mockexams. Sind ergendwie so Prüefinge wos wänd luege wie wiit dassmer scho send usw., ich geb uf jede Fall immer mis beschte =D!!! Vo all dem hets ganz viel Fotis uf Facebook, dorom machi de Itrag mol ohni Fotis, sosch werds jo no langwilig wener alles zwoimol gsänd :Dhahhaha

Bis zum nächsteee Mol KüssendKüssendLachend

Fotos =D

07Okt2013

  Do gsänder dNici Carmen und mich, da isch no im Hydepark gsi in Sydney :).

Do simmer am Mittwochobig im Bondi Road Club gsi. Isch sonen gmüetliche Club womer au chan Biliard spiele und go tanze usw. Lachend

Das die "wunderschöne" Hüet jewils 300 Dollar chostet hämmer natürli ersch gmerkt nachdem mer alli Hüet doreprobiert händ und gluegt händ welle das am beschte usgseht Zunge rausZwinkerndhahaha...

Da isch no es Foti vom Barbecue am Bronte Beach.

Das isch Carmen =D.

Und do gsänder no es paar Fotis vom Surf Camp.CoolLachend

Catch the wave :D

07Okt2013

Hello everybody Cool

Und scho isch die zwoit Woche rasend schnell verbi gange und ich liege völlig erschöpft i mim Bettli und chan mi fascht nöme bewege, sogar bim Lache döndmer dBuchmuskle we...HAHA:P De Grund deför isch es sehr sportlichs drütägigs Surfcamp in Gerroa am 7 Mile Beach gsi.

Am Fritig hämmer de Tag dor no es Barbecue mit de ganze Schuel am Bronte Beach gha. Nachdem mehr alli Zuetate sind go ichaufe, hämmer ois am Strand unde troffe und det gits ganz viel öffentlichi Grillierstelle womer sis Fleisch chan druf rüehre und öberall verteilt hets den no chlineri Tisch mit Bänkli womer gmüetli chan ässe. Ich ben aber grösste teils näbem Grill gstande und han mit de Japaner glehrt Sojasprosse und Pilzli diräkt vom Grill mit de Stäbli zässeLachend. Dhäfli ischmer zwar immer denäbe gheit oder ich hans no chöne mit de Hand uffange, aber mit de Zit ischs emmer besser gange und ich han sgfühl mini japanische Kollege (Teako, Takako und ChiakiZwinkernd) sind sehr stolz uf mich gsi =Dhaha...Nachem ässe simmer de nochli go Füessli is Meer hebe und de einti Schuelkolleg isch hinder ois gstande und het welle es Foti mache. Ich han natürli ganz normal welle anestoh und lache nachdemi gmerkt han dass Teako und Chiaki scho en art "Superman-Pose" näb mer igno händ...hahah:D hanmi aber natürlich au grad agschlosse und mich i Pose grüehrtZunge raus!! sFoti hani leider noni becho, aber sgseht wörkli "stark" us...hahaLachend!!

Und grad no en chline Input;): Grundsätzli hani emmer gmeint Japaner heiget eher chli en zrughaltendi Mentaliät, trifft aber bi mine Bekanntschafte öberhaupt ned zue. Hani spötistens ab dem Zitpunkt festgstellt, womer die eint gseit het, dass "Western-Ladys" im gägesatz zu Asiate immer so schön grossi Brüscht händ...hahahhaZwinkernd..

Nach dem amüsante Barbecue isches de Zobig miteme Car witer nach Gerroa ist Surf Camp gange. dFahrt mit 80 witere Schüeler isch super gsi und mir sind guet im Camp acho. In Empfang gno worde simmer den vomene überus hübsche Surfinstructor und eme völlig betrunkene Campmanager...hahahha:D Nach es paar Awisige hämmer de chöne oises Zimmer bezieh, send nochli zäme ghöcklet und de gli is Bettli.

Am nächschte Morge hämmer ois nacheme feine zMorge diräkt in Wetsuit inequätscht, dassmer im Wasser au ned chalt händ und händ oises Surfbrätt zum Meer abegschleppt^^... alli sind i Groppe iteilt worde und ich han natürli wedermol de bösischti Lehrer vo allne verwötscht. Er isch vo Südafrika (aber ned dunkel), het immer e Sonnebrülle und sonen komische riesige Huet agha und ich hanen keis einzig mol gse Lache....also völlig unsympathisch...:P uf jede Fall bini de immer vo im agschroue worde weni en Wälle verpasst han oder zwenig starch mit de Ärm umepadlet han und wenni zwit vo de Gruppe abcho bin ischs ami völlig usgartet...hahha:D:D Trotzdem hani viel Spass gha im Meer umepadle und es paar Wälle hani de au verwütscht und bi sogar ami ufem Brätt obe gstande, au wenn ned allzu lang...Verschlossen.. han mi aber chli gfühlt wie früehner ide Skischuel wägem Surflehrer, und dSkischuel hani jo bekanntlich ned soo gern gha..;Dhahah.. Mini blaue Fläcke wo am ganze Körper verteilt sind erwähni jetz mol ned gross, aber smuss rächt luschtig usgse ha woni mit mim Brätt ami wieder witer is meer use ha welle und de hanis  abwächselnd in Buch oder an Kopf tätscht becho während demi ha welle dWälle überspringe...^^hahah

Am Obig hämmer de alli gmüetli zäme Burger gässe und sind witer ines "Pub". sPub het sich de eher als Restaurant mit Tanzflächli und live Musig usegstellt wo grad en Chindergeburtstag am laufe gsi eschLachendhaha.. Mir händ aber au so oise Spass gha und nach 1-2 Bierli hämmer en riesigi Bolognese gstartet und die leeri Tanzflächli isch gstörmt wordeZwinkerndLachend!!!

De Sonntig het den sehr ähnlich usgseh osser dassi mit de Carmen und de Nici no die letscht Surflektion usegloh han zum chli sönnele und bädeleZwinkernd, glaubs aber sowieso ned dassi no gnue chraft gha hetti zum mich öberhaupt ufs Brätt ue zieh^^...haha... Am Obig hämmer de wieder alli zäme gässe und dezue sRugby Spiel vo Bondi gäge Manly gluegt..Bondi (oises Team) het natürli gonne;)...wienis mitbecho han..:Dhaha und höt simmer den alli erschöpft in Car ine und händ dRückfahrt in Agriff gno.

So, zum Schluss möchti euch no so zwoi supertolli Lieder zeige wo wörkli guetii Lune mached, vode Gruppe Colour Coding dLieder "Had it all" und "Kick" CoolLachend

http://www.youtube.com/watch?v=WPlHaiXEfCo

http://www.youtube.com/watch?v=swb-pn5nXl8

Sooo hoffe ihr händ chli chöne lache bim läse und daser euch jetz guet vorstelle chönd wieni mis Wocheänd verbrocht han=).... Fotis dueni grad nomol einzeln ufelade, da funktioniert, wie glaub schomol gseit, ami ned sooo guet:Dhahahah

Vermisss euuuuch ganz fescht und dänke viel a euch!!! :) <3 <3 <3

 

Fotis =)

28Sept2013

Also do no es paar Fotis. Die erschte sind no vom Znachtässe;) de gsänder de Bronte Beach wo grad foif Minute vo mer entfernt isch, dene sHüsli woni dren wohne, sOpera House womer sind go aluege und zlescht natürlich no mini atemberaubendi Ussicht vom BalkonZwinkerndLachendKüssend

Erfolgreicher Start ;)

28Sept2013

Halli HallöchenLachend

Die erscht Woche isch verbi und ich han mi do scho richtig igläbt und fühl mi wohl bi de Hirma und em Donald. sÄsse isch sehr fein und einisch hets sogar scho peruanisch ge, well dHirma ursprünglich vo Peru isch. De Donald verzellt mer immer loschtigi Gschechtli woni aber leider dHälfti ami ned verstohne. Mit viel Lache und "Yess, yess" bini bis jetz aber emmer dorecho, ohni dases ufgfalle wär dassi fasch nüd verstande han...hahah:D

Vo Mentig bis Fritig hani emmer vom 10:30 - 16:30 Uhr Schuel. Hani zerscht chli doof gfonde ersch soo spot, aber deför chani jetzt jede Morge am Brontebeach unde chli go schwömme (han nonie so viel sportlichi Lüt uf einisch gse wie do, dorom wetti mi au chli apasse..haha^^) und de gmüetli ufem Balkon zmörgeleLachend.

Mit mim Schuelwäg gsehts sehr guet us und ich han mi bis jetzt erscht einisch verlofe, wasi als en sehr gueti Bilanz aluege...haha:D!! Dschuel sälber isch super und bestoht us ca. 70% Schwizer...Zunge raus Dezue hets i minere Klass aber au es paar Japaner, Brasilianer und Franzose und sind alli so ongefähr um die 20. Mini Lehrerin Kate isch chli en bösi...hahha:P aber isch wahrschindli scho guet so, sosch wäri wieder nor am omeplapere die ganz StondVerschlossen...

Am Donnschtig simmer scho serscht mol in Usgang und händ ois under sAustralische Volk gmischtZunge raus, isch eigetli alles super gsi, osser dassich ned gwösst han dass i dem Club sozäge alli High Heels ahänd, somit bini mit mine Strandschüehli liecht underdressed gsi...hahha^^ und Geschter simmer alli zäme ufeme Partyboot gsi, wo under de Harbour Bridge dore gfahre isch und spöter simmer direkt miteme Bus witer inen Club. Am Donnschtig hani denn au während de suechi nacheme zahlbare alkoholische Getränk serschte mol öbis entdeckt, wo günstig isch. Es isch en 5 Liter Box Wiswii för 15 Franke...hahha:D wet zwar ned wösse was det alles dine isch, aber muss zuege er isch gar ned schlächt gsiZwinkernd!!

Dasmer dStadt ned nor während em Nachtläbe gsänd simmer höt Morge grad nomol gange. En Plan hämmer eigetli ned gha, aber mir sind schlussändli em Hyde Park gsi, händs Opera House gse und dHarbour Bridge. De gröschti Teil vom Nommitag het aber logischerwis us käfele und schwätzle ide Opera Bar bestandeLachend....

Das wäred denn schowieder die neuschte News und weitere werden folgen^^!!!

Auf dieser Seite werden lediglich die 10 neuesten Blogeinträge angezeigt. Ältere Einträge können über das Archiv auf der rechten Seite dieses Blogs aufgerufen werden.